Ana səhifə Planet |
"2008-ci il savaşından sonra Moskva Abxaziya və Cənubi Osetiyada əhəmiyyətli hərbi obyektlər əldə etdi".
Axar.az xəbər verir ki, bu açıqlama ilə Temuri Kiquradze çıxış edib. O, Cənubi Qafqazın istənilən zaman Rusiya təhdidi ilə üzbəüz olduğunu bildirib:
"Burada hazırda minlərlə əsgər yerləşdirilib. Ölkənin paytaxtına ən yaxın hərbi baza sadəcə 40 kilometr uzaqlıqdadır. Bu, işğal üçün ideal başlanğıc nöqtəsidir. Hərbi nöqteyi-nəzərdə onu sadəcə uğur gözləyir. İşğal üçün hansı siyasi səbəblərin olacağı ilə bağlı uzun müddət mübahisə etməyə də dəyməz. Kremlə sadəcə növbəti kiçik qələbə xarakterli müharibə lazımdır. Bunun üçün isə Gürcüstandan daha yaxşı variant axtarmaq gərək deyil. Ölkədəki hökumət böhranı, iqtisadi vəziyyətin pisləşməsi Rusiya üçün əla şanslar yaradır. Əgər Moskva işğala əl atsa, o zaman bir neçə məqsədinə nail olmuş olacaq. O, Gürcüstana cənubdan yeridilməyə çalışan NATO-nun qarşısını alacaq, Ermənistana istədiyi koridoru açacaq, enerji ilə zəngin olan Azərbaycanı mühasirəyə alacaq ki, bu da sonuncunu Rusiya ilə Qərb arasında yürütdüyü balanslaşdırılmış siyasətdən məhrum etmə həddinə gətirib çıxaracaq".
Tarix
2015.03.31 / 09:38
|
Müəllif
İlkin Həsənov
|