"Neftçi"nin yeni prezidenti Çingiz Abdullayev təyin edilib? Bu, necə baş verib? Açığı, xəbərim yox idi, sizdən eşitdim".

Bu sözləri Apasport.az saytına açıqlamasında Məşqçilər Komitəsinin üzvü Ağasəlim Mircavadov deyib. Mircavadov klubun başına yazıçı Çingiz Abdullayevin keçməsi haqda yayılan xəbəri sürprizlə qarşılayıb. Təcrübəli mütəxəssis Abdullayevin romanlarının vurğunu olduğunu bildirib:

"Mən onu güclü yazıçı kimi tanıyıram. Kitabları çoxdu. Abdullayevə böyük hörmətim var. Əsərlərini sevə-sevə oxuyuram".

Mircavadovun fikrincə, əgər bu təyinat rəsmiləşsə, Abdullayevin köməkçiləri mütləq futbol adamları olmalıdır:

"Yazıçı futbol klubunu idarə edə bilərmi? Müasir futbolda biznesmen də klub prezidenti təyin olunur. Roman Abramoviç buna bariz nümunədir. Təki klub üçün faydalı olsun. Yəqin ki, köməkçiləri futbol adamlarından olacaq. Əgər belə olsa, məncə, problemlə üzləşməz".