"Rusiya İranla nüvə danışıqlarında əsas rol oynayır".

Axar.az xəbər verir ki, bu açıqlama ilə ABŞ dövlət katibliyinin sözçüsü Marie Harf çıxış edib. O, İsveçrənin Lozanna şəhərində baş tutan nüvə müzakirələrində Rusiya heyətinin ABŞ-a çox kömək etdiyini deyib.

Marie Harf Rusiya XİN başçısı Sergey Lavrovun danışıqları tərk etməsinin nüvə müzakirələrinə mənfi təsir etməyəcəyini bildirib:

"Lavrov danışıqlarda bizə çox kömək etdi. Rusiyanın mütəxəssisləri və Lavrovun köməkçisi Sergey Ryabko hələ də buradadır. Onlar danışıqlarda əsas rol oynayırlar".

Qeyd edək ki, İsveçrənin Lozanna şəhərində İran ilə Altılıq ölkələri arasında nüvə müzakirələri davam edir. Bir neçə gündür danışıqlarda iştirak edən Rusiya nümayəndəsi Sergey Lavrov dünən Moskvaya dönüb.