20:53

Türkiyədə İstanbul Polis İdarəsinə silahlı hücum olub.

Axar.az xəbər verir ki, 2 silahlı şəxs polis mərkəzini atəşə tutub. Polislərin hücuma qarşılıq verməsi nəticəsində basqınçılardan biri ölüb. Digər şəxs isə hadisə yerindən qaçıb. Hücum nəticəsində 1 polis əməkdaşı da yaralanıb.

23:00

İstanbul Polis İdarəsinə atəş açan basqınçılardan biri olay yerindən qaçsa da, sonradan ələ keçirilib. Əldə edilən məlumatda hücumun 5 nəfər tərəfindən təşkil edildiyi bildirilir.

Qeyd edək ki, hücum nəticəsində polis tərəfindən öldürülən qadının şəkli də yayılıb. Həmçinin qadının üzərində partlayıcı qurğu olub.