Ana səhifə Gündəm |
"Düşmənin saxta soyqırıma dair gizli planlar quracağı öncədən bəlli idi".
Axar.az xəbər verir ki, bu fikirlər "Atlas"Araşdırmalar Mərkəzinin rəhbəri, politoloq Elxan Şahinoğluya məxsusdur. Onun sözlərinə görə, erməni lobbisinin saxta soyqırımla bağlı öncədən planlar quracağı bəlli idi:
"Azərbaycanda Diaspor Komitəsi var. Türkiyədə belə bir qurumun varlığı haqqında eşitməmişəm. Bir il bundan öncədən bilinirdi ki, erməni lobbisi "soyqırımın 100 illiyinə" ciddi hazırlaşır, gizli plan tərtib ediblər, hardan və necə başlayacaqlarını müəyyənləşdiriblər. Əlbəttə, Ərdoğanın 24 apreldə Çanaqqalada zəfər bayramının 100 illiyini keçirməsini anons etməsi uğurlu gediş idi. Ankaranın bu addımı erməni lobbisi və Ermənistanda müəyyən çaşqınlıq yaratdı. Çünki Ərdoğan sanki beynəlxalq aləmə mesaj göndərdi: 24 apreldə ya biz, ya da ermənilər. Ancaq düşünürəm ki, başqa gedişlərə də ehtiyac var idi. Bunun üçün isə Ankara ilə Bakı birgə əks-hücum planı hazırlamalı, Avropa və ABŞ-da geniş izahat işi aparmalı idilər. Baş verənlərə etiraz etmək yetərli deyildi".
Tarix
2015.04.17 / 14:15
|
Müəllif
Aygün Yusibova
|