Ana səhifə Kult |
Abdulla Şaiq adına Azərbaycan Dövlət Kukla Teatrı nəzdində fəaliyyət göstərən "Oyuq" teatr-studiyasının üzvləri Türkiyəyə səfərə hazırlaşır.
Mədəniyyət və Turizm Nazirliyindən Axar.az-a verilən məlumata görə, teatrın üzvləri Tunar İsa, Aylin Nəcəfli, Nazim Hacıyev və Selcan Musayeva "23 aprel – Milli Suverenlik və Uşaq Günü" münasibətilə Türkiyədə reallaşacaq möhtəşəm tədbirdə "Nağıl çələngi" adlı tamaşa-konsert proqramı ilə çıxış edəcək, türkiyəli həmyaşıdları qarşısında "Cırtdan", "Tıq-Tıq xanım", "Ələddin" və "Gəlincik" kimi məşhur nağıl qəhrəmanlarının obrazlarını canlandıracaqlar. Tamaşa-konsertin senari müəllifi Səidə Haqverdiyeva, səhnələşdirən isə studiyanın müəllimi, aktrisa Cəmilə Allahverdiyevadır.
Qeyd edək ki, aprelin 20-dən 26-dək davam edəcək səfər çərçivəsində balacaların Türkiyənin digər şəhərlərində çıxışları da nəzərdə tutulur.
Tarix
2015.04.18 / 02:15
|
Müəllif
Nigar An
|