Məşhur aktyor Coni Dep son filmi "Black Mass"da canlandıracağı məşhur qanqster Uayt Balcerə (Whitey Bulger) bənzəməsi üçün edilən makiyajdan sonra tanınmaz hala düşüb.

Axar.az xəbər verir ki, baş rolunda Coni Depin oynayacağı "Black Mass" filminin ilk fraqmenti yayımlanıb.

Skot Kuperin yeni filmi cənubi Boston bölgəsinin ən məşhur cinayətkarlarından biri olan Uayt Balcerin (Whitey Bulger) hekayəsini bəyaz ekranlara çıxaracaq. Filmdə Coni Deplə bərabər Dakota Conson və Benedikt Kamberbax da çəkilib.

Dep filmdə roluna uyğun olaraq keçəl, çirkli dişləri və ürpərdici mavi gözləri ilə ətrafına qorxu saçan adama çevrilib. Filmin sentyabrın 25-də ekranlara çıxacağı gözlənilir.