Ana səhifə Gündəm |
"Əlikram Hümbətovun bu cür yanaşması ən azından Qarabağ döyüşlərində qəhrəmancasına vuruşan, şəhid olan talış balalarına hörmətsizlikdir".
Axar.az xəbər verir ki, bu açıqlama ilə məşhur vəkil Aslan İsmayılov öz Feysbuk səhifəsində çıxış edib.
O, Hümbətovun talış xalqı ilə bağlı açıqlamasının satqınlıq olduğunu bildirib:
"Əlikram Hümbətov kimi satqının, xainin talış xalqına mənsubiyyətinin xüsusilə vurğulanmasını qətiyyətlə pisləyirəm və bildirirəm ki, Vətənimiz Azərbaycanı sevənlər üçün ən doğma insanlar milliyyətindən, dinindən, irqindən asılı olmayaraq onun sərhədləri içərisində yaşayan, onun uğrunda döyüşən, Azərbaycanı özünə Vətən sayan insanlardır. Bu cür yanaşma ən azından Qarabağ döyüşlərində qəhrəmancasına vuruşan, şəhid olan talış balalarına hörmətsizlikdir. Əlavə olaraq bildirirəm ki, Stavropolda hakim, məhkəmə sədri işlədiyim dövrdə mənə - xalis türk balasına ən böyük dəstək olan, məndən yaşca böyük, o diyarı yaxşı tanıyan, orada hörmət sahibi olan, talış balası, əslən Lənkəran rayonunun Lüvəsər kəndindən olan Fazil Quliyev olmuşdu".
Qeyd edək ki, bundan öncə Əlikram Hümbətov "erməni soyqırımı" ilə bağlı ermənilərə başsağlığı vermiş və Azərbaycanda guya talışların ayrı-seçkiliyə məruz qaldığını söyləmişdi.
Tarix
2015.04.27 / 17:58
|
Müəllif
İlkin Həsənov
|