"Baki Metropoliteni" QSC-nin balansında olan nəqliyyat vasitələrini alınmadığı üçün 4-cü dəfə hərraca çıxarıb.

Axar.az xəbər verir ki, Əmlak Məsələləri Dövlət Komitəsi bu ay hərraca çıxarılacaq nəqliyyat vasitələrinin adlarını açıqlayıb. Hərracda artıq dördüncü dəfə satışa çıxarılan adıçəkilən QSC-nin müxtəlif avtomobilləri də var.

Hərraca çıxarılan - QAZ-31105-120, Mercedes Benz S 350, QAZ-3110-101, Mercedes Benz E 320, QAZ-3110-121, QAZ-3110-121, QAZ-31105-120, QAZ-31105-120, QAZ-3110-101, QAZ-3102, QAZ-3102 avtomobilləridir. Bu avtomobillər dövlət nömrə nişanı ilə birgə satışa çıxarılıb. Ən ucuz qiymətə təqdim edilən isə 1998-ci ilin 10 JM 344 dövlət nömrə nişanlı QAZ-3102 markalı avtomobilidir ki, onun da qiyməti 711 manatdır. Ən yüksək qiymətə təqdim edilən avtomobil isə 2006-cı ilin istehsalı olan 10 PN 936 dövlət nömrə nişanlı Mersedes Benz S 350-dir. Bunun ilkin satış qiyməti 15 min 488 manatdır.

"Baki Metpropoliteni" QSC–nin balansında olan və hərraca çıxarılan sadaladığımız avtomobillər 4-cü dəfə 25 % endirimlə təkrar hərraca çıxarılır.

Xatırladaq ki, hərrac may ayının 26-sı Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində keçiriləcək.