Ana səhifə Toplum |
Bakıda məktəbli qız Aytac Babayevanın qətli ilə bağlı gənclər Feysbuk sosial şəbəkəsində etiraz etməyə başlayıb.
Axar.az xəbər verir ki, sosial şəbəkə istifadəçiləri bu zorakılığa hər hansı formada etiraz etməyə çalışırlar. Gənclərdən bəziləri Aytacı öldürən sevdiyi oğlana ən ağır cəzanın verilməsi üçün Nizami Rayon Prokurorluğunun qarşısında toplaşmağı təklif edir. Eyni zamanda, məhkəmə prosesində də iştirak etməyi, ictimai qınağın təşkili müzakirə edilir.
Qeyd edək ki, hadisə Bəhruz Nuriyev küçəsi, 81 ünvanında qeydə alınıb. 1995-ci il təvəllüdlü İzzət Hüseynov sevdiyi qızı - 1998-ci il təvəllüdlü Aytac Nazim qızı Babayevanı bıçaqlayaraq qətlə yetirib.
O, ilkin ifadəsində bildirib ki, Aytac Babayevanı sevsə də, ailəsi qızı dayısı oğlu ilə evləndirmək niyyətində imiş. 20 yaşlı gəncin sözlərinə görə, Aytac Babayevanı "ondan başqasına qismət olmaması" üçün öldürüb.
ANS-in məlumatına görə, hazırda Aytac Babayevanın yaxınları Nizami Rayon Prokurorluğunun qarşısına toplaşaraq, qatilin ömürlük həbsini tələb edirlər.
Tarix
2015.05.02 / 13:35
|
Müəllif
Emin Aslanlı
|