Yanvar ayında hücuma məruz qalan fransız satirik jurnalı "Şarli Hebdo"nun PEN-in (Beynəlxalq Yazarlar Birliyi) Amerika şöbəsi tərəfindən "İfadə Azadlığı Cəsarət Mükafatı"na layiq görülməsi 26 yazarın sərt reaksiyasına səbəb olub.

Axar.az xarici mətbuata istinadən xəbər verir ki, yazarlar mükafatın Fransadakı müsəlman kəsimi incidəcəyini düşünürlər.

Hz. Məhəmmədin karikaturalarını çəkdikləri üçün terrorçuların hücumuna məruz qalaraq 12 rəssamın öldürülməsindən sonra çıxan saylarında da karikatura yayımlamağa davam edən jurnala verilən mükafata etiraz edən yazarlar arasında Piter Keri, Maykl Ondatce, Fransin Proz, Tedcu Koul, Reyçel Kuşner, Taye Selasi, Xunot Dias, Coys Kerol Outs da var. Etiraz edən yazarlar PEN-ə məktub yazaraq vəziyyətin utancverici olduğunu bildiriblər və Fransadakı müsəlman kəsimin incidildiyini düşündüklərindən mayın 5-də təşkil ediləcək mükafatlandırma mərasimində iştirak etməyəcəklərini açıqlayıblar.