"Avropa Oyunlarının açılışında iştirak edəcəyəm".

Bu sözləri Bakı-2015 İlk Avropa Oyunları ilə bağlı danışan xalq artisti Fəxrəddin Manafov Axar.az-a bildirib:

"İdman tarixində belə bir hadisənin baş verməsi – Avropa Oyunlarının Azərbaycanda keçirilməsi ölkəmizə çox xeyir verəcək. Ancaq hərtərəfli – iqtisadi-siyasi-mədəni cəhətdən güclü olan bir ölkə belə böyük bir işi öz üzərinə götürə bilər. Avropa Oyunlarını Azərbaycanda keçirmək bizə yalnız xeyir gətirə bilər. Ölkəmiz Avropa Oyunlarına yüksək səviyyədə ev sahibliyi edəcək, mən buna əminəm. Hətta Avropa da buna əmindir, əks halda, oyunların Azərbaycanda keçirilməsinə razılıq verməzdi. Mən çox şadam bu hadisəyə görə. Özüm də gedib Avropa Oyunlarının açılışında iştirak edəcəyəm və bunların əyani şahidi olacağam".

Xatırladaq ki, 12-28 iyun tarixində ölkəmizdə keçiriləcək Birinci Avropa Oyunlarına 40 gün qalıb.