Ana səhifə Planet |
İdlib Əsəd üçün sonun başlanğıcı ola bilər.
Axar.az xəbər verir ki, rejim qüvvələri Suriyada ən pis
günlərini yaşayır. İdllibdən sonra Əsəd rejimi Lazkiyəni də itirmək
təhlükəsi ilə üz-üzə qalıb. Silahlı müxalifət bütün qüvvələr
arasında koordinasiyanı təmin edərsə, Dəməşqi böyük güzəştlərə
məcbur edəcək.
18 iyul 2012-ci ildə Dəməşqin mərkəzində milli təhlükəsizlik
toplantısının keçirildiyi binada baş verən partlayış Suriya
inqilabı tarixində bir dönüş nöqtəsi olmuşdu. Çünki aralarında
nazirlərin də olduğu yüksək səviyyəli beş təhlükəsizlik rəsmisinin
ölməsi ilə Suriya ordusu çaşbaş qalmışdı. Bundan sonra Suriya
ordusu İran İnqilab Keşikçiləri, Hizbullah və otuzdan artıq şiə
qruplarının dəstəyi olmadan heç bir döyüşü qazana bilməyib.
Suriya müxalifətinin son aylar hücumlarını gücləndirməsi
isə Əsəd rejimini çətin duruma salıb. Ekspertlərin fikrincə,
bu gediş Əsəd üçün sonun başlanğıcı ola bilər.
Tarix
2015.05.03 / 11:35
|
Müəllif
Pərviz Həsənov
|