Ana səhifə Planet |
Hansı insanlar snayper ola bilər? Bu sual çoxlarını maraqlandırır.
ANS snayperlərin hansı formada olması barədə məlumatı sizə təqdim edir.
Xususi snayper bölüklərinə təlim keçən təlimatçıların dediklərinə görə əsl atıcını və öz işinin sənətkarını yetişdirmək üçün yalnız texnika və yaxşı təhcizat kifayət etmir.
Mükəmməl atıcı-tüfəngin, lazımi vərdişlərin və ən əsası həlledici anda silahı möhkəm saxlayan əlin vəhdətidir.
Təsadüfi insan snayper ola bilməz. Məsələn qeyri sabit psixoloji duruma malik, vahiməyə meyilli və həddən artıq impulsiv insanların snayper olması tamamilə qeyri mümkündür. Bu cür insanların 95%-nin namizədliyi hələ başlanğıc mərhələdə kənarlaşdırılır.
Pataloji mərdliyə malik və yaxud hərbi dildə "Rembo" adlanan insanlar həmçinin snayper ola bilməz. Snayperliyə namizəd anlamalıdır ki, onun gördüyü iş böyük risklə müşaiyət olunur. Atıcının fiziki göstəriciləri və psixologiyası ilə yanaşı "atəşə reaksiyanın olmaması" da mühüm rol oynayır.
Gözlərin yumulması, silaha çiyinlə toxunma, tətiyin kəskin şəkildə çəkilməsi – insanın atəşə ən çox yayılmış reaksiyasıdır.
Bu cür reaksiyanın səbəbi sadə psixologiyadır. Bu psixologiyaya əsasən atıcıya məlumdur ki, atəş anı partlama və silahın təpməsi ilə müşahidə olunur və beyin şüuraltı olaraq orqanizmi atəşə hazırlayır. Atəşə reaksiyası olmayan namizədləri isə barmaqla saymaq olar.
Tarix
2015.05.06 / 01:19
|
Müəllif
Axar.az
|