Ana səhifə Planet |
ABŞ-da 1959-cu ildə həbsxanadan qaçan 79 yaşlı məhkum Frank Freşvotərz Florida əyalətində tutulub.
Axar.az xəbər verir ki, son 20 ildə Floridada başqa adla həyatını davam etdirdiyi bildirilən cinayətkarın ələ keçirilməsi üçün təhlükəsizlik qüvvələri gizli plan hazırlayıb.
Frank Freşvotərz olduğundan şübhələnilən adamdan guya rəsmi sənəd kağızların imzalanmasını istəyən mülki geyimli polislər götürdükləri barmaq izlərini sonradan analiz ediblər. Cinayətkar barmaq izləri götürüləndən sonra bir həftə polis tərəfindən izlənilib. Polis yaşlı qaçağı yolda saxlayaraq ona aid köhnə fotonu göstərərək "Bu şəxsi əvvəllər görmüsünüzmü", - deyə soruşub. Florida təhlükəsizlik qüvvələrinin verdiyi məlumata görə, Frank Freşvotərz əvvəl fotodakı adamı tanımadığını, daha sonra axtarılan şəxsin özü olduğunu etiraf edərək təslim olub.
Qeyd edək ki, Frank Freşvotərz 1957-ci ildə yol qəzasında bir piyadanı öldürdüyü üçün həbs edilibmiş.
Tarix
2015.05.06 / 16:44
|
Müəllif
Nilufər Muğantürk
|