"Forbes" jurnalı ən çox qazanan futbolçuların adlarını açıqlayıb.

Axar.az xəbər verir ki, "Forbes"in hesablamalarına görə, "Real Madrid"in ulduzu Kriştiano Ronaldo ən çox qazanan futbolçu adını qoruyub. O, maaş və bonuslardan 52,2 milyon dollar, reklam gəlilərindən isə 26,8 milyon dollar qazanc əldə edib. Ümumilikdə 79 milyon gəlir əldə edən Ronaldo dünyanın ən çox qazanan futbolçusudur. 2013-cü ildə isə onun qazancı 73 milyon dollar olmuşdu.

Ronaldonu 70,5 milyon dollarla "Barselona"ın ulduz futbolçusu Lionel Messi izləyir. Messi maaş və bonuslardan 48,5 milyon dollar, reklam gəlilərindən isə 22 milyon dollar qazanc əldə edib.

Üçüncü pillədə PSJ-nin futbolçusu Zlatan İbrahimoviç qərarlaşıb. O, bir ildə 47,8 milyon dollar qazanıb. İbrahimoviç bu pulun 41,8 milyon dollarını maaş və bonuslardan, 6 milyon dollarını isə reklamdan əldə edib.

Qeyd edək ki, ötən il də "Forbes" jurnalının hesabatında bu üçlük ən çox qazanan olmuşdu.