"Hazırda səhərə qalan 12 xəstə - 9 böyük və 3 uşağın vəziyyətləri orta-ağırdır, heç bir həyati təhlükələri yoxdur".

Bu sözləri Kliniki Tibbi Mərkəzin Toksikologiya şöbəsinin müdiri Azər Maqsudov yanğın zamanı xəstəxanaya gətirilmiş yaralıların vəziyyəti ilə bağlı verdiyi açıqlamasında deyib.

"Dünənki yanğından toksikologiya şöbəsinə 33 müraciət daxil olub. Onlardan 6-sı uşaq, qalanları isə böyük xəstələr idi. 9 nəfərin vəziyyəti ağıra yaxın qiymətləndirildi. Bütün xəstələrdən toksiki-kimyəvi analiz götürülüb və qanda karboksid-hemoqlobin təyin olunub. Dəm qazı orqanizmə təsir edib və ondan irəli gələn zəhərlənməni müşahidə etmişik. Xəstələr intensiv terapiya palatalarında yerləşdirilib və tədbirlər görülüb", - şöbə müdiri bildirib.