Pentaqon Yunanıstanı Rusiyaya qarşı sanksiyaları dəstəkləməyə çağırıb.

Axar.az xəbər verir ki, bu açıqlamanı Yunanıstanın Müdafiə naziri Panos Kammenos yayıb.

Kammenos Pentaqon rəhbərliyinə Rusiya ilə onları incə tellərin bağladığını bildirib:

"Rusiya mövzusu yenidən gündəmə gəldi. Mən onda izah etdim ki, Rusiya bizim üçün müttəfiq və dost ölkədir. Bizi onlarla ümumi dinimiz və iqtisadi əlaqələrimiz birləşdirir. Sanksiyalara görə Yunanıstan hər il 4 milyard avro itirir. Bizim ölkəyə hər il 1,5 milyon rusiyalı turist gəlir. Biz Rusiyaya kənd təsərrüfatı malları göndəririk, amma Avropa Birliyi bizim itkilərimizin heç birini qarşılamır".