Azərbaycan Yazıçılar Birliyinin katibi, xalq şairi Fikrət Qocanın əsərlərindən ibarət səkkizcildliyi çapa hazırlanır.

Axar.az xəbər verir ki, kitabın 6 cildi artıq hazırdır. Səkkizcildlikdə şeir, roman və povestlər yer alacaq. "Taleyin ağır taleyi" romanı isə bu günlərdə çapdan çıxacaq. 1990-cı il hadisələrinin, müharibə ağrılarının əks olunduğu "Təkərlər geri fırlanır", "Yaralı çiçəklər" və "Rəssam düşünür" əsərləri də səkkizcildliyə daxil ediləcək.

Qeyd edək ki, şairin bugünədək "Qağayı", "Hamıya borcluyam", "Yatmadığım gecələrdə", "Ömürdən səhifələr", "Mavi dünyanın adamları", "Sükutun səsi" və digər kitablarını oxucuların ixtiyarına verib.