"Biz Qotland adasına mümkün təhlükədən qorunmaq üçün minalar basdırmalıyıq".

Axar.az xəbər verir ki, bu barədə İsveç Xalq Partiyasının üzvü Ulf Klasson açıqlama verib.

Klasson Qotlandın Baltikdə önəmli strateji baza olduğunu bildirib:

"Qotlandın üç limanı - Slit, Klinteham və Visbi yaxınlığında xüsusi boşluqlar meydana gətirməliyik. Bu boşluqlara lazım olduğu zaman minalar basdırıb, düşmənin (Rusiya nəzərdə tutulur) mümkün hücumunun qarşısını müvəqqəti də olsa, ala bilərik".

İsveç Müdafiə İnstitutunun rektoru Karlis Neretniks isə adaya əsgər göndərməyin tərafdarı olduğunu açıqlayıb:

"Adaya ən azı 1500 əsgər, 20-30 tank, 50 zirehli texnika, kiçik topçu tabor və 200 nəfərlik zenit batareyası yerləşdirilməlidir".

Qeyd edək ki, Qotland Baltik dənizində yerləşir və İsveçin 25 kantorundan biridir. Adada hərbi qüvvələr yoxdur və hazırda turistlərin ən çox diqqətini cəlb edən ərazidir.