"Yeni dünya müharibəsi başlaya bilər".

Axar.az xəbər verir ki, bunu amerikalı milyarder Corc Soros söyləyib.

Onun sözlərinə görə, ABŞ Çinə güzəştə getməsə, yeni dünya müharibəsinin başlama ehtimalı böyükdür:

"Əgər Çinlə ABŞ-ın Yaponiya kimi hərbi müttəfiqi arasında toqquşma baş verərsə, o zaman biz III Dünya Müharibəsinin şahidi ola biləcəyimizi mübaliğəsiz deyə bilərik. Bunun qarşısını almaq üçün ABŞ Çinə böyük güzəştə getməlidir. ABŞ yuanın Beynəlxalq Valyuta Fondunun valyuta səbətinin bir hissəsi olmaq üçün imkan yaratmalıdır. Belə olduğu təqdirdə isə Çin valyutası dollara ciddi rəqabətə girə bilər. Əks halda Çin Rusiya ilə siyasi və hərbi ittifaq yarada bilər ki, bu da yeni dünya müharibəsinin reallaşmasına gətirib çıxaracaq".