Tərtərdə səyyar görüş keçirilib.

Axar.az-ın əldə etdiyi məlumata görə, qəbul rayonun Təzəkənd kəndində baş tutub. Görüşdə Prezident Administrasiyasının məsul işçisi Arif Novruzov, icra başçısı Müstəqim Məmmədov iştirak edib.

Həmçinin, rayonun hüquq-mühafizə orqanlarının, səhiyyə, təhsil, mədəniyyət işçilərinin, bələdiyyə sədrləri, kənd sakinlərinin qəbula qatıldığı bildirilir. Sakinlər əsasən içməli və suvarma su təminatının yaxşılaşdırılması, köhnəlmiş elektrik dirəklərinin, naqillərin dəyişdirilməsi və digər problemlərin həllinə köməklik göstərilməsini xahiş ediblər. PA nümayəndəsi sakinlər tərəfindən qaldırılan məsələləri dinləyib və həlli istiqamətində təkliflər hazırlanaraq aidiyyəti qurumların qarşısında məsələ qaldırılacağını deyib.