Tanınmış aktyor Fərda Xudaverdiyev bir müddət əvvəl Bakıdan çıxmaq istəyərkən saxlanılması ilə bağlı yayılan məlumatlara münasibət bildirib.

Aktyor Ans-ə açıqlamasında bildirib ki, heç kim onu saxlamayıb. Onun sözlərinə görə, hazırda heç bir borcu da yoxdur.

"Bununla bağlı mənə çox zənglər olub. Yayılan məlumatlar əsassızdır. Məni heç kim saxlamayıb. Borcum vardı, 2 ay bundan qabaq ödəmişəm. Bundan artıq heç nə demək istəmirəm", - deyə Fərda Xudaverdiyev bildirib.

Xatırladaq ki, tanınmış aktyor Fərda Xudaverdiyevin Bakıdan çıxmaq istəyərkən saxlanılması barədə məlumatlar yayılıb. Hadisə şahidlərinin verdikləri məlumata görə, onun külli miqdarda borcu olub. Bu səbəbdən də, onun ölkədən çıxmasına qadağa qoyulub.

Fərda Xudavrdiyev Heydər Əliyev adına Hava Limanında olarkən saxlanılıb.