Bakının Nərimanov rayonunda da binalardan politeran materialları sökülür.

Axar.az-ın əməkdaşı tezalışan materialdan üzlənmiş binalarda fəhlələrin söküntü işlərinə başladığının şahidi olub. Müxbirimiz bildirir ki, Heydər Əliyev Mərkəzi yaxınlığında, Təbriz küçəsində yerləşən binalarda üzlüklər qoparılır. Bu işlərə Nərimanov rayon İcra Hakimiyyəti nümayəndələri nəzarət edir.

Prezidentin göstərişi əsasında şəhərdə keyfiyyətsiz üzlüklər sökülür. Mayın 20-dən etibarən paytaxt və bölgələrdə bu işlər həyata keçirilir. Əməkdaşımızın verdiyi xəbərə görə, artıq Yevlax şəhərində proses tamamlanmaq üzrədir – üzlüklər qısa müddətdə sökülüb və yenilənməsinə üçün hazırlıqlar başlayıb.