Peşmərgə qüvvələri İraq Müdafiə naziri Xalid Ubeydinin çağırışına rədd cavabı verib.

Axar.az xəbər verir ki, peşmərgə qüvvələrinin baş qərargahından verilən məlumatda bildirilir ki, kürd qüvvələri İraq ordusu ilə birgə Ənbar vilayətindəki əməliyyatlarda iştirak etməyəcək.

Rudav-ın məlumatına görə, kürd rəhbərliyi İŞİD-lə mübarizədə İraq ordusunun kifayət qədər güclü olduğunu və heç bir dəstəyə ehtiyacı olmadığını açıqlayıb.

Xatırladaq ki, İraq Müdafiə naziri Xalid Ubeydi bir müddət öncə İŞİD-in işğal altındakı saxladığı Ramadini azad etmək üçün peşmərgə qüvvələri ilə əməkdaşlıq etməyə hazır olduqlarını bildirimişdi.