Ana səhifə Planet |
Misirin devrilmiş prezidenti Məhəmməd Mursi Türkiyə Prezidenti Rəcəb Tayyib Ərdoğanın oğlu Bilal Ərdoğana 13 aprel 2013-cü ildə vətəndaşlıq verib.
Axar.az xəbər verir ki, bu barədə Misirin "Almasry Alyoum" qəzeti yazıb. Qəzetin xəbərinə görə, 25 dekabr sui-istifadə və rüşvət əməliyyatlarından dərhal sonra Bilal Ərdoğan Misir pasportu ilə Gürcüstana qaçıb.
Hazırda Bilal Ərdoğanın Misir vətəndaşlığının ləğvi üçün məhkəməyə müraciət edildiyi və məhkəmə prosesinin bu il oktyabrın 11-ə təxirə salındığı bildirilir.
Qeyd edək ki, 25 dekabr 2013-cü ildə prokuror Müəmmər Akkaş sui-istifadə və rüşvət əməliyyatlarında şübhəli olduğu üçün Bilal Ərdoğanın istintaq idarəsinə çağırılması barədə qərar vermişdi. Ancaq İstanbul Baş Polis İdarəsi yetərli sübut olmadığı üçün bu qərarı tətbiq etməmişdi.
Tarix
2015.05.25 / 12:36
|
Müəllif
İlham Sahiloğlu
|