Ana səhifə Avto |
Dünyanın ən böyük robot bazarına sahib olan Çinin yeni hədəfi ən böyük istehsalçıya çevrilməkdir.
Axar.az xəbər verir ki, robot bazarında tələb artdığı üçün hökumət bu sahəyə külli miqdarda vəsait ayırmaqdan çəkinmir. Bu gedişlə Pekin 2030-cu ildə robot texnologiyasında dünyanın qabaqcıl araşdırma və inkişaf mərkəzi olacaq.
Beynəlxalq Robot Texnologiyası Federasiyasının məlumatına görə, bu il 56 min robot satan Çin sözügedən sahəyə ən çox tələbatın olduğu ölkədir. Bu rəqəm 2013-ci illə müqayisədə 54 faiz çoxdur. Dünya üzrə bu rəqəm isə 2014-cü ildə 27 faiz artaraq 225 minə yüksəlib.
Çinin cənubundakı Quandun sənaye bölgəsində yerli rəhbərlik fərqli sahələrdə robot istifadəsini tətbiq etmək üçün 3 illik planını açıqlayıb. Elektron, avtomobil, məişət texnikası, tekstil və tikinti sahələrində 1950 şirkət vasitəsilə həyata keçiriləcək plana 943 milyard yuanlıq (təxminən 152 milyard dollar) investisiya yatırılması planlaşdırılır.
Tarix
2015.05.26 / 23:46
|
Müəllif
Şəmsəddin Ənsar
|