Ana səhifə Planet |
"Ermənistanda hazırda daxili siyasi konfliktlər elə cərəyan edir ki, kriminal addımlarından tutmuş kütləvi qətl hadisələrinə kimi bir çox proseslərin şahidi ola bilərik".
Bu barədə Axar.az-a açıqlamasında analitik Vüqar Zifəroğlu bildirib. Onun sözlərinə görə, Ermənistanda son baş verən olaylar hakimiyyət dəyişikliyinə gətirib çıxara bilər:
"Təkcə vaxtilə baş vermiş məlum məhşur parlament qətliamı hadisəsini və bunun nəticəsində Köçəryan iqtidarının hakimiyyətə gəlməsini xatırlamaq kifayətdir. Yəni prinsip etibarilə ermənilər bu cür ssenarilər qurmağa öyrəşiblər. Ermənistanda hər şey Rusiyanın hazırkı iqtidara olan münasibətindən asılıdır. Vəziyyət həqiqətən də çox kritikdir. İndi hər kəsi sadəcə bir sual düşündürür. Moskva növbəti seçkilərdə Sərkisyana iqtidarına şans tanıyacaqmı? Ermənistanda hakimiyyətə kimin gəlməsindən asılı olmayaraq, Azərbaycana münasibət indiki kimi qalacaq. Heç bir fərqli bir mənzərənin şahid olmayacağıq. Çünki Ermənistanın bütün xarici siyasət kursunu Rusiya formalaşdırır. Haqları əlində olmayan bir dövlətdə hakimiyət dəyişikliyi kənar qüvvələrin ssenariləri hesabına həyata keçirilir və bu tip hadisələr bundan sonra da davam edəcək. Ermənistanda sonuncu sui-qəsdlər və parlament qətliamı bu ölkədə hakimiyyət dəyişikliyi ilə nəticələnmişdi. İndi də belə bir situasiya təkrarlana və bənzər ssenarilər yenidən işə düşə bilər. Bu, istisna deyil".
Tarix
2015.05.29 / 09:00
|
Müəllif
Aygün Yusibova
|