Londonda yerləşən "KingS College" araşdırma mərkəzi bu vaxta kimi 550 avropalı qadının İŞİD-ə qoşulduğunu açıqlayıb.

Axar.az xəbər verir ki, araşdırma zamanı təşkilata qoşulan qadınlarının əksəriyyətinin yaşının az olduğu məlum olub.

Bundan əlavə, həmin qadınların imkanlı ailələrdən olduğu və yetərincə yaxşı təhsil aldıqları bildirilir.

"Röyter"in məlumatına görə, İŞİD-ə qoşulan qadınların əksəriyyəti ictimai fəaliyyəti olan tədqiqatçılardır.

Araşdırma zamanı o da məlum olub ki, qadınların kütləvi şəkildə İŞİD-ə qoşulmasına səbəb "Cihad gəlini" olmaq arzusudur. Bundan başqa kişilərdən heç nə ilə fərqlənməyən bu qadınlar müsəlmanların zülmə uğradığına da inanır:

"Xüsusi olaraq qadınları hədəf alan radikal mesajların yayılması təsadüf deyil. İŞİD rəhbərliyi həyatın idealdan fərqli olduğunu aşılamağı bacarır. Suriya və İraqdan qayıdan insanların cəmiyyətə uyğunlaşması üçün radikal ideologiyaya qarşı daha güclü proqramın yaradılmasına ehtiyac var".