"Rus arxivlərində işlədiyim dövrlərdə erməni həmkarlarım söhbət zamanı dəfələrlə mənə "soyqırım" kimi bir hadisənin olmadığını deyiblər".

Axar.az xəbər verir ki, bu açıqlama ilə türkiyəli millət vəkili, professor Seyid Sərtçəlik çıxış edib. Rus arxivlərində 8 ilə yaxın araşdırma aparan professor ermənilərin ikili oyun oynadığını bildirib:

"Türkiyənin arxivləri uzun illərdir ki, ictimaiyyətə açıqdır. Lakin erməni tarixçilərin Türkiyə arxivlərini araşdırmaq kimi bir niyyətlərinin olduğunu zənn etmirəm. Çünki rus arxivlərində işlədiyim dövrlərdə erməni həmkarlarım söhbət zamanı dəfələrlə mənə "soyqırım" kimi bir hadisənin olmadığını deyiblər. Lakin onlar ictimaiyyət önündə çıxış edən zaman tamam fərqli sözlər deyirlər".

O, ermənilərin 1914-cü ilə olan sayları haqda da məlumat verib:

"Birinci Dünya müharibəsindən əvvəl Osmanlıda yaşayan ermənilərin ümumi sayı 1 milyon 294 min olub. Rus qaynaqlarında isə bu rəqəm 1 milyon 300 mindir. Halbuki 1915-ci il hadisələri zamanı 1,5 milyon erməninin öldürüldüyü iddia edilir".