Ana səhifə İdman |
"Neftçi"nin Müşahidə Şurasının sədri Çingiz Abdullayev jurnalistlərin suallarını cavablandırıb.
Axar.az xəbər verir ki, yazıçı bir sıra aktual məsələlərdən danışıb. O, müəyyən çətinliklər olduğunu etiraf edib: "Bəzi futbolçular zədə üzündən meydana çıxa bilmir, kimisinin müqavilə müddəti başa çatır. Müəyyən dəyişikliklər edirik. Təbii ki, biz də istəyirik ki, dönüş olsun və komandamız Avropa Liqasında uğur qazansın. Tək bu günü yox, 2-3 il bundan sonranı da fikirləşirik. Müxtəlif yaş qruplarında "Neftçi" futbolçularının uğurlarını özünüz də gördünüz. Mən inanıram ki, komandamızın yaxşı gələcəyi var" .
Ç.Abdullayev "Neftçi"də üç aydır maaşların verilmədiyi xəbərini yalanlayıb:
"Bu, doğru xəbər deyil. Klubun işçilərinin hamısı vaxtında maaşlarını alıb. Futbolçular isə mart və apreli almayıblar. Bu problemi də kubokun finalından öncə həll edəcəyik".
Tarix
2015.05.29 / 16:10
|
Müəllif
Emin Aslanlı
|