Şimali Koreyadan qaçan kompüter mühəndisi professor Kim Heunq-Kvanq Pxenyanda 6 min haker yetişdirildiyini açıqlayıb.

Axar.az xəbər verir ki, BBC-yə danışan professor Şimali Koreyanın hazırladığı hər bir hakerin çox təhlükəli olduğunu deyib:

"Şimali Koreyanın kiber hücumlarının qarşısı alınmalıdır. 6 min hakerin hər biri bir şəhər üçün böyük təhlükədir. Onlar insanları rahatlıqla öldürə bilər".

Ölkənin hərbi kiber əməliyyatlarına dair gizli məlumatlara sahib şəxsləri ilə görüşdüyünü deyən koreyalı mütəxəssis Şimali Koreyanın ABŞ və İsrailə qarşı "Stuxnet" kimi xüsusi hücum proqram hazırladığını iddia edib.

Xatırladaq ki, professor Kim Heunq-Kvanq təxminən 20 il Şimali Koreyanın Kamheunq Kompüter Texnologiyaları Universitetində dərs verib. 2004-cü ildə ölkəni tərk edib.