Ana səhifə Planet |
İraq Müdafiə Nazirliyi İŞİD terrorçularının işğal etdiyi Ramadi şəhərinin tamamilə mühasirəyə alındığını açıqlayıb.
Axar.az xəbər verir ki, açıqlamada Ənbar vilayətinin mərkəzi Ramadinin azad edilməsi üçün əməliyyatlara davam edən İraq ordusu və Haşduş Şabi (Xalq Birliyi) qüvvələrinin şəhərin bütün çıxışlarını bağladığı bildirilir.
Bağdad Əməliyyatlar Komandanlığının sözçüsü general Saad Maan Əl-İraqiyyə televiziyasına verdiyi müsahibəsində ordu qüvvələrinin bu gün səhər Səlahəddin ilə Ənbar vilayətləri arasında yerləşən və paytaxt Bağdadın qərbindəki bölgələrin su ehtiyacını ödəyən Nazim ət-Taksim anbarı ətrafında İŞİD mühasirəsinin yarıldığını bildirib:
"İraq qüvvələri bomba yüklü 5 vasitənin məhv edilməsi, 18 terrorçunun öldürülməsi, terrorçular tərəfindən yerləşdirilən 80 bombanın zərərsizləşdirilməsi və böyük miqdarda hərbi sursatın ələ keçirilməsi ilə ciddi zəfər qazandı".
Tarix
2015.05.30 / 16:22
|
Müəllif
Şəmsəddin Ənsar
|