Ana səhifə Toplum |
Qənirə Paşayeva Tovuzda "Son zəng" münasibəti ilə rayonun ən fəal şagirdləri ilə görüşüb və onları mükafatlandırıb.
Axar.az xəbər verir ki, bu barədə məlumat millət vəkili Qənirə Paşayevanın Feysbuk səhifəsində yerləşdirilib.
Görüş zamanı millət vəkili bildirib ki, hansı peşənin sahibi olmaq istəyindən asılı olmayaraq hər bir gəncimiz öz ana dilini, ədəbiyyatını və tarixini də dərindən öyrənməlidir. "Hər il Tovuz rayonundan ali məktəblərə daxil olan gənclərin sayında artımın olması bizi sevindirir" , - deyən millət vəkili Qənirə Paşayeva Tələbə Qəbulu üzrə Dövlət Komissiyasının yekunlarına görə respublika üzrə 50 faizdən yuxarı qəbul göstəricisi olan cəmi 11 rayon arasında Tovuzun 3-cü yerdə olmasının, hər il göstəricilərin daha da yaxşılaşmasını müsbət hadisə kimi dəyərləndirib.
Görüşün sonunda millət vəkili Qənirə Paşayeva bütün görüş iştirakçılarına hədiyyələr və özünün müəllifi olduğu kitabları imzalayaraq bağışlayıb.
Tarix
2015.05.30 / 16:46
|
Müəllif
Ülkər Cəfərova
|