Ana səhifə Planet |
ABŞ-ın Arkanzas əyalətindəki "Almaz Krateri Milli Qoruğu" daha bir ziyarətçisini sevindirib.
Axar.az xəbər verir ki, qoruğun "Donuz axırı" adı verilən palçıqlı bölgəsində qazıntı aparan Bobi Oskarson adlı qadın 8.52 karatlıq şəffaf almaz tapıb.
Parkın qaydalarına görə, Oskarson tapdığı almazın sahibi olub. Oskarsonun "Esperanso almazı" adını verdiyi almaz bölgədə olan ən böyük beşinci almazdır. Milli Qoruqda 40.23 karatlıq ən böyük almaz 1924-cü ildə tapılıb.
"Almaz Krateri Milli Qoruğu" almaz axtaranların müstəqil qazıntı apara biləcəyi tək yerdir. 1906-cı ildə tapılan ilk almazdan sonra milli qoruq elan edilən, ancaq amerikalıların almaz axtarışına icazə verilən bölgədə bu günə qədər həvəskarlar 75 mindən çox almaz tapıb. Təkcə 2015-ci ildə tapılan almazların sayı 30-a çıxıb.
Tarix
2015.07.01 / 01:49
|
Müəllif
Nilufər Muğantürk
|