Türkiyə Xarici İşlər Naziri Mövlud Çavuşoğlu ilə amerikalı həmkarı Con Kerri arasında iyunun 26-da baş tutan telefon danışığının detalları məlum olub.

Axar.az xəbər verir ki, Türkiyə XİN başçısı ABŞ-ı Suriya məsələsində birgə işləməyə çağırıb.

O, bu barədə Con Kerriyə sonuncu dəfə xəbərdarlıq edib:

"PYD-nin (PKK-nın Suriya qolu) bölgədə kürd dəhlizi yaratmaq səyləri Türkiyənin milli təhlükəsizliyinə təhdid meydana gətirir. Türkiyə buna icazə verməyəcək. Bölgədə tez bir zamanda etibarlı bölgə hazırlanmalıdır. Gəlin, bunu birlikdə edək. Əks təqdirdə işimizi özümüz görəcəyik. Narahatlığımızı nəzərə almalısınız".

Qeyd edək ki, son günlərdə Türkiyənin Suriyaya qoşun yeridəcəyi müzakirə olunur.