"Vikiliks" saytı daha bir sensasiyalı məlumat dərc edib.

Axar.az xəbər verir ki, yeni sənədlərə görə, ABŞ və İngiltərə 2010-2012-ci illər ərzində Yunanıstanın borc böhranı ilə bağlı danışıqlar zamanı Almaniya Baş naziri Angela Merkeli və yüksək səlahiyyətli rəsmiləri dinləyib.

Buna səbəb isə Almaniya və Fransanın Afinanı xilas etmək üçün öz yardımlarını təklif edən BRİCS ölkələri ilə əməkdaşlıq etməsinin qarşısını almaq olub.

"İngiltərə kəşfiyyatı məlumat toplamayıb, geosiyasi proseslər qarşısında qorxuya qapılan ABŞ-ı yönəltməsəydi, görəsən, Fransa və Almaniya Yunanıstanı xilas etmək üçün BRİCS-lə əməkdaşlıq edərdi?" - deyə "Vikiliks"in sənədlərində qeyd edilib.

Qeyd edək ki, BRİCS Braziliya, Çin, Hindistan, Rusiya və Cənubi Afrikadan ibarət iqtisadi-siyasi birlikdir.