Ana səhifə İdman |
Bu gün Azərbaycan üçün Avropa Liqasında əlamətdar gün olub.
Axar.az xəbər verir ki, "Neftçi" I təsnifat mərhələsində ilk matçına çıxıb. "Ağ-qaralar" bu gün öz meydanında Monteneqronun "Mladost" klubu ilə görüşüb. Flaqman lazımi nəticəni əldə edə bilməyib. Görüş 2-2 hesablı bərabərliklə yekunlaşıb.
Bu gün "Qəbələ" səfərdə "Dinamo"nun (Tiflis) qonağı olub. Səfərdə rəqibi ilə görüşən "Qəbələ" daha güclü təsir bağışlasa da, Qəbələyə məğlub qayıdır. Belə ki, son dəqiqələrdə səhv nəticəsində buraxılan qol təmsilçimizi çətin duruma salıb. "Dinamo" bu mübarizədən 2-1 qalib ayrılıb.
Klublarımızdan meydana ilk olaraq Bakı "İnter"i çıxıb. Paytaxt təmsilçisi digər iki komandamızla müqayisədə sərfəli hesab əldə edib. Albaniyada "Laçi"nin qonağı olan "İnter" 1-1 hesablı nəticəyə razılaşıb.
Qeyd edək ki, cavab matçları bir həftə sonra keçiriləcək.
Tarix
2015.07.02 / 23:55
|
Müəllif
Pərviz Həsənov
|