Quqlun yeni tətbiqi qaradərili cütlüyü "qorilla" olaraq işarələdiyi üçün şirkət istifadəçilərindən üzr istəyib.

Axar.az xəbər verir ki, Quqlun yeni tətbiqi yüklənən fotoşəkilləri süni zəka proqramı ilə avtomatik olaraq işarələyir.

Quqlun səhvi fotoşəkildə olan Nyuyorklu proqramçı Caki Alsin adlı proqramçı tərəfindən gündəmə gətirilib və şirkət irqi ayrı-seçkilik etdiyi üçün ictimai mediada tənqid olunub.

Bundan sonra Quql rəsmisi Conatan Zanger başqalarının da bənzər səhvlərlə qarşılaşmaması üçün bütün lazımi tədbirləri görəcəklərini bildirib.

Qeyd edək ki, Quql Fotos mayda da itləri at olaraq işarələmişdi.