Ana səhifə Planet |
İrəvanda etirazçılar Avropa Birliyinin bayrağını daşıyanlara zor tətbiq ediblər.
Axar.az xəbər verir ki, bu barədə informasiyanı Ermənistan mətbuatı yayıb.
Mətbuatın məlumatına görə, məşhur dissident Paruyr Ayrikyanın rəhbərliyi altında bir neçə nəfərin Avropa Birliyinin bayraqlarını Baqramyan küçəsinə gətirməsi etiraza səbəb olub. Ayrikyanın tərəfdarlarının üzərinə hücum çəkən etirazçılar "bizə Avropa lazım deyil", "biz Avropanın vecinə deyilik" şüarları səsləndiriblər. Bundan sonra Ayrikyanı provokator adlandıran etirazçılar dava salıblar. Digər etirazçılar tərəfindən dava yatırıldıqdan sonra Ayrikyan tərəfdarları etirazçılar üçün hazırladıqları vərəqələri də paylaya bilməyib. Xalqa müraciət edən Ayrikyan bu sözləri deyib:
"Bu mitinqin iştirakçıları polis özbaşınalığı ilə toqquşandan Rusiya və ya Çinə yox, Avropa Məhkəməsinə müraciət edirlər. Onların yardımına da Rusiya və Çin yox, Avropa gəlir".
Axar.az Ayrikyan tərəfdarları üzərinə edilən hücumun kadrlarını təqdim edir:
Tarix
2015.07.03 / 11:35
|
Müəllif
İlkin Həsənov
|