İŞİD-ə qarşı təşkil edilən hava hücumu nəticəsində təşkilatın öndə gedən isimlərindən olan Tarık bin Tahar əl-Anvi əl-Harzi öldürülüb.

Axar.az xəbər verir ki, bu barədə məlumatı ABŞ Müdafiə Nazirliyi yayıb. Məlumata görə, Əl-Harzi iyunun 16-da Şadadi şəhərində öldürülüb.

Pentaqon Əl-Harzinin təşkilat üçün Suriya və İraqa döyüşçü və təchizat gətirilməsi işində məsul olduğunu, ayrıca xarici döyüşçülərin təşkilata qatılması və səyahətlərinin təmin edilməsi üçün maddi qaynaqlara nəzarət etdiyini açıqlayıb.

Buna əlavə olaraq Əl-Harzinin Liviyadakı terrorçuları silahla təmin etdiyi bildirilir.

Pentaqon sözçüsü Ceff Davis Əl-Harzinin ölümünün təşkilatın xarici döyüşçüləri Suriya və İraqdakı müharibəyə cəlb etməsinə, Suriya-İraq sərhədindəki döyüşçü və təchizat aktivliyinə təsir edəcəyini deyib.

Xatırladaq ki, ABŞ bir müddət öncə Əl-Harzi haqqında məlumat gətirənə 3 milyon dollar mükafat vəd etmişdi.