İyulun 8-dən 12-dək Polşanın Lublin şəhərində "Different Sounds Art'n'Music" Beynəlxalq musiqi festivalı keçiriləcək. Azərbaycanın tanınmış caz pianoçusu Elçin Şirinovun da festival iştirakçıları arasında olduğu və Polşanın məşhur caz ifaçılarından olan Qjeqoj Karnas ilə eyni səhnəni bölüşəcəyi haqqında məlumat vermişdik.

Elçin Şirinov Azərtac-a bildirib ki, festivaldakı çıxışından imtina edib. Səbəb isə festival çərçivəsində qondarma "erməni soyqırımı"na həsr olunan bir sıra konsertlərin keçirilməsinin nəzərdə tutulmasıdır. Elçin Şirinovun sözlərinə görə, o bu məlumatı sonradan öyrənib və dərhal festivaldakı iştirakdan imtina edib.

Elçin Şirinov əlavə edib ki, onu festivala dəvət edən Qjeqoj Karnas da qondarma "erməni soyqırımı"na həsr olunan konsertlər haqqında məlumatsız olub.