İyun ayının 1-dən Rusiya Federasiyasında tütünlə bağlı yeni qərar qüvvəyə minib. "Antitabak" qanunu adlanan bu yasaya görə, Rusiya ərazisində, demək olar ki, hər yerdə siqaret çəkmək qadağandır - barlarda, restoranlarda, ictimai yerlərdə, otellərdə, vağzalda və sairə.

Axar.az tütün və siqaretin gündəmdə olduğu bir vaxtda siqaret asılılığından qurtara bilməyən və bunu gülüş hədəfinə çevirən dahi şəxsiyyətlərin siqaret haqda fikirlərini təqdim edir:

Marjan Satrapi: "Mən əminəm ki, siqaret çəkməyi tərgitsəm, cəhənnəmə gedəcəyəm".

Erix Mariya Remark: "Lazım olan anda çəkilən siqaret dünyanın bütün ideallarından üstündür".

Çarlz Lem: "Tütün, sənin üçün ölümdən başqa hər şeyə hazıram".

Mark Tven: "Başqalarına yaxşı nümunə olmaq üçün mən yatan zaman siqaret çəkməmək, oyaq vaxtı isə siqaretə ara verməmək qərarına gəlmişəm".

Çarlz Bukovski: "İçin, sekslə məşğul olun və çoxlu siqaret çəkin".

Kurt Vonnequt: "Səhiyyə orqanları amerikalıların niyə bu qədər çox siqaret çəkməsinin səbəbi haqda susurlar: bu, intiharın layiqli və düzgün formasıdır".