Türkiyə konstitusiyasına görə, parlamentin Başqanlıq Divanı bəlli olduqdan sonra 45 gün ərzində hökumət qurulmalıdır.

Axar.az xəbər verir ki, əgər hökumət qurulmazsa, parlament sədri ilə razılaşdırılaraq erkən seçkiyə gediləcək və bu müddət ərzində müvəqqəti hökumət formalaşdırılacaq.

Yeni hökumətdə isə parlamentə girməyi bacaran partiyalar topladıqları səslərə görə təmsil olunacaqlar. Belə olan halda AKP 11, CHP 6, MHP və HDP isə 3 nazirliyə rəhbərlik edəcək.

Ədalət, Daxili işlər və Rabitə nazirliyi isə müstəqil millət vəkillərindən təyin olunacaq.

Qeyd edək ki, iyunun 7-də Türkiyədə keçirilən parlament seçkisində AKP 258, CHP 132, MHP və HDP isə hərəyə 80 millət vəkili yeri qazanıb.