Ana səhifə Planet |
Ukraynanın Odessa vilayətinin qubernatoru Mixail Saakaşvili daxili audit bölməsi və hüquq-mühafizə orqanları ilə birgə fəaliyyət, korrupsiyanın qarşısının alınması və aşkar edilməsi idarələri rəhbərlərinin hesabatını dinləyib.
Axar.az-ın verdiyi məlumata görə, bir saatdan çox çəkən dinləmədə məlum olub ki, ötən il ərzində korrupsiya ilə mübarizədə heç bir irəliləyiş əldə olunmayıb.
Daxili auditin Razdelnyan rayon administrasiyasında apardığı yoxlama nəticəsində 1 milyonluq mənimsəmə aşkarlanıb.
Hüquq-mühafizə orqanları ilə birgə fəaliyyət idarəsinə gəlincə isə, məlum olub ki, ötən il ərzində heç kim cəzalanmayıb. Bundan başqa idarə Ukrayna Təhlükəsizlik Xidməti ilə heç bir əlaqədə olmayıb və quruma kamera müşahidələri göndərməyib.
Məruzələrdən sonra Mixail Saakaşvili bu idarənin ləğv edilməsi və 20 əməkdaşının işdən qovulması haqqında əmr verib.
Tarix
2015.07.04 / 11:05
|
Müəllif
Anar Əhmədov
|