Ana səhifə İdman |
"Dinamo" klubu dünənki insidenti tamamilə pisləyir.
Axar.az xəbər verir ki, bu sözlər Tiflisin "Dinamo" Futbol Klubunun yaydığı bəyanatda yer alıb.
Klubun bəyanatına görə, "Dinamo"ya aid "Qladiator" fan-klubunun üzvlərindən heç biri bu insidentdə iştirak etməyib:
"Dinamo arenadan kənarda olan istənilən insidentə görə, məsuliyyət "Dinamo"nun üzərinə düşmür. Stadionda asılmış bannerlərdən birinə gəlincə isə stadionun təhlükəsizlik xidməti buna cəld müdaxilə edərək, onları tribunalardan yığışdırıb. Ümid edirik ki, bu cür faktlardan heç biri iki ölkənin münasibətlərinə, onların idman keçmişi, indisi və gələcəyinə mane olmayacaq".
Qeyd edək ki, "Dinamo" və "Qəbələ" komandalarının görüşündə gürcü azarkeşlər 4 nəfər azərbaycanlıya hücum edərək, onlara xəsarət yetirmişdilər. Bundan başqa meydançada yerləşən tribunalarda üzərində "Zaqatala və Qaxı xatırlayırıq. 1921" şüarları olan bannerlər asılmışdı.
Tarix
2015.07.04 / 11:18
|
Müəllif
İlkin Həsənov
|