Benqazidə silahlı qruplaşmalarla ordu qüvvələri arasında qarşıdurma baş verib.

Axar.az xəbər verir ki, bu barədə Nümayəndələr Məclisi hökumətindən məlumat verilib.

Qarşıdurma zamanı 5 əsgər həlak olub, 27-si isə yaralanıb.

Benqazinin Ayta bölgəsində evə döşənən minanın partlaması nəticəsində isə 2 əsgər ölüb, 3-ü yaralanıb.

Digər tərəfdən "Ənsaruş Şəriyə" təşkilatının Benqazidə bir polis bölməsinə hücumu nəticəsində baş verən qarşıdurmada da 3 əsgərin həlak olduğu, 24 əsgərin yaralandığı bildirilib.

Xatırladaq ki, Müəmmər Qəzzafi rejiminə qarşı 2011-ci il fevralın 17-də başlayan inqilabdan sonra Liviyada hələ də sabitlik təmin edilə bilməyib.