Ana səhifə Toplum |
SOCAR-da çalışan işçi uşaqları istirahət üçün Almaniyada yay düşərgəsinə göndərilir.
SOCAR-dan Axar.az-a verilən məlumata görə, 2013-cü il sentyabrın 19-da SOCAR və E.ON şirkətlərinin uzunmüddətli əməkdaşlığı üçün geniş imkanlar yaradan qaz satışı müqaviləsinin imzalanması ilə iki şirkət arasında təkcə istehsalat əlaqələri deyil, texnologiya və innovasiya, menecment təlimi, gənc mütəxəssislərin inkişafı, tədqiqat və korporativ sosial məsuliyyət sahələrində də münasibətlər genişlənib.
Müqaviləyə əsasən, SOCAR və E.ON şirkəti əməkdaşlarının 12-13 yaşlı uşaqları üçün Azərbaycanın və Almaniyanın müxtəlif şəhərlərində yay düşərgələri də təşkil edilir. 14-28 iyun tarixlərində SOCAR əməkdaşlarının müsabiqədən keçmiş övladları üçün "Almaniyanın dadı" (Taste of Germany) adlı növbəti yay düşərgəsi keçirilib. Yay düşərgəsinin birinci həftəsi Şimali Rayn Vestfaliya əyalətində, ikinci həftəsi isə Münhen şəhərində baş tutub.
Şagirdlər Düsseldorf, Essen, Köln, Duizburq, Bonn və Hagen şəhərlərinə səyahət edərək bir sıra muzeylər, tarixi abidələr, yeni tikililər və əyləncə mərkəzləri ilə tanış olublar.
Tarix
2015.07.04 / 14:44
|
Müəllif
Nigar İxtiyarqızı
|