Türkiyə "Mavi Mərmərə" olayının qurbanları ilə bağlı təzminat məsələsində və Qəzzaya tətbiq edilən embarqonun ləğvi barədə İsraillə razılığa gəlib.

Axaz.az xəbər verir ki, bu iddialar Türkiyə mətbuatında yer alıb.

Bildirilir ki, Türkiyə daxili işlər nazirinin müşaviri Firidun Siniroğlu İsrailin daxili işlər üzrə rəhbəri Dor Qoldla bu barədə bir müddət öncə baş tutan Roma görüşündə razılığa gəliblər.

"Sabah" qəzeti isə Ankara və Təl-Əvivin təzminat məsələsində artıq razılığın əldə olduğunu iddia edir. Ancaq anlaşmanın detalları barədə dəqiq məlumat verilməyib.

Qeyd edək ki, iki il bundan əvvəlki görüşdə İsrailin Qəzza qurbanlarına ödəməli olduğu təzminatın miqdarı yeddi qat artırılaraq 21 milyon dollara qədər qaldırılmışdı.