Ana səhifə Planet |
ABŞ-da nəşr olunan "Nəşnl İnterest" (The National İnterest) jurnalı Çinin hərbi gücünün on il sonrakı vəziyyətini təhlil edib. Məqalədə Çin ordusunun ABŞ-ın qlobal hakimiyyətinə əhəmiyyətli təhdid yaradacağı qeyd olunur.
Axar.az xəbər verir ki, hər iki dövlətin ordusunun müqayisə olunduğu məqalədə bir neçə mühüm məqama toxunulub:
"Çin Xalq Qurtuluş Ordusu quru, hava və dəniz əməliyyatlarında təcrübə baxımından ABŞ-dan geri qalır. Terrorla mübarizə siyasətinin ABŞ-a təsirləri müsbət oldu. Bu baxımdan son illərdə ABŞ ordusu böyük təcrübə qazanıb. Amma Çin ordusu böyük müharibədə təcrübəsizdir. Lakin Asiya hegemonu belə təcrübə qazanmaq üçün sonu bəlli olmayan müharibələr başlada bilər".
Məqalədə bildirilib ki, Çinin Rusiya silah texnologiyası və təchizatından asılılığı əlavə dezavantaj meydana gətirir:
"Lakin qarşıdan gələn illərdə bu asılılıq aradan qalxacaq. Bundan başqa Çinin heç bir müttəfiqinin olmaması bu ölkənin digər böyük problemidir. Qarşıdan gələn 10 ildə Çinin başçılıq etdiyi bir ittifaq görməyəcəyik. Tam tərsinə, "Çinfobik" bir ittifaqın yaranması daha realdır".
Tarix
2015.07.04 / 17:44
|
Müəllif
Şəmsəddin Ənsar
|